Grupa slobodnih građana pozvala je na okupljanje danas, u devet sati, kod kapije na ulazu u park-šumu Gorica.

Organizatori su poručili da ne pristaju na prekrajanje prošlosti i zaborav.

- Borba protiv fašizma je stalna dužnost slobodnog čovjeka. Vidimo se na Gorici - poručeno je u pozivu.

U pozivu je navedeno i da će na tom mjestu biti postavljena i izložba “Sunovrat Crne Gore”.

- Ovo nije samo izložba, ovo je čin otpora protiv istorijskog reviozionizma, fašizacije društva i pokušaja da se zločin pretvori u vrlinu. Vrijeme je da dignemo glas - piše u pozivu.

Okupljenima će se obratiti akademik Vukić Pulević, arhitekta Veselin Bato Radulović, dekan FCJK Aleksandar Radoman, izv. direktor NVO 35 mm Darko Ivanović i aktivista Saša Jovetić.

Režiser Danilo Marunović pozvao je juče građane na skup uz poruku: Vidimo se na "crvenoj liniji".

Nakon izložbe, okupljeni će, kako je najavljeno, otići do spomenika da polože vijenac.